საქართველო FIRST Global 2025-ისკენ მიემართება!

საქართველო FIRST Global 2025-ისკენ მიემართება!

2025 წლის ეროვნული ნაკრების შესარჩევი ტური წარმატებით ჩატარდა European School-ის ორგანიზებითა და ინოვაციების ასოციაციის მხარდაჭერით.

FIRST Global — ინჟინერიის სფეროში მსოფლიოს ერთ-ერთი ყველაზე პრესტიჟული შეჯიბრებაა, რომელშიც ყოველწლიურად 190+ ქვეყანა იღებს მონაწილეობას. კონკურსი აერთიანებს ახალგაზრდა ინჟინრებს, რომლებიც კრიტიკულ აზროვნებას, ტექნიკურ ცოდნასა და გუნდურ მუშაობას გლობალური პრობლემების გადასაჭრელად იყენებენ.

ეროვნული შესარჩევი ტურნირი წელს European School-ში გაიმართა, სადაც მონაწილეობა მიიღო 50 მოსწავლემ. მონაწილეები შემთხვევითობის პრინციპით გუნდებად გადანაწილდნენ და 4 საათის განმავლობაში მათთვის სრულიად ახალი ტექნიკური ამოცანის გადაწყვეტაზე იმუშავეს. ჩვენი ორგანიზაციის მოხალისეები უზრუნველყოფდნენ პროცესის სამართლიან და ორგანიზებულ მიმდინარეობას, ხოლო “AI ია”-ს რობოტიკის ექსპერტები გუნდებს ტექნიკური პრობლემების გადაჭრაში ეხმარებოდნენ.

დღის ბოლოს გამოვლინდა ორი გამარჯვებული გუნდი, რომლებმაც ყველაზე ეფექტიანი რობოტები შექმნეს. ჟიურის გადაწყვეტილებით შეირჩა მეხუთე წევრიც.

📍შემოდგომაზე საქართველოს ეროვნული გუნდი გაემგზავრება პანამაში, რათა მსოფლიოს მასშტაბით კონკურენცია გაუწიოს საუკეთესო ახალგაზრდა ინჟინრებს FIRST Global 2025-ზე!

🏆 ინოვაციების ასოციაცია წარმატებებს უსურვებს საქართველოს ნაკრებს საერთაშორისო ასპარეზზე!

სხვა სიახლეები

ყველას ნახვა

ბაკურიანის STEAM ბანაკი 2025 დასრულდა!

ინოვაციების ასოციაციის ორგანიზებით, ბაკურიანში, Loft Hotel Bakuriani-ში, წარმატებით დასრულდა 7-დღიანი STEAM ბანაკი , რომელიც მთლიანად სწავლას, შემოქმედებასა და გუნდურ მუშაობას…

ვრცლად

ინოვაციების ასოციაციის მხარდაჭერით FIRST Global-ის ეროვნული ნაკრების შესარჩევი ტური ჩატარდა

FIRST Global მსოფლიოს ერთ-ერთი ყველაზე პრესტიჟული საინჟინრო შეჯიბრებაა, სადაც ყოველწლიურად 190+ ქვეყანა იღებს მონაწილეობას. კონკურსი ამ ქვეყნების მომავალ ლიდერებს აერთიანებს…

ვრცლად

მოსწავლეების ვიზიტი CERN-ში

15 მოსწავლე საქართველოს ყველა რეგიონის სკოლებიდან ეწვია CERN-ის ლაბორატორიას ჟენევაში (შვეიცარია).

ვრცლად